Avropa İttifaqı ilə tərəfdaşlıq, ümumi əməkdaşlıq
Digər xəbərlər

Avropa İttifaqı ilə tərəfdaşlıq, ümumi əməkdaşlıq

Energetika nazirinin müavini, COP29-un baş icraçı direktoru Elnur Soltanov Avropa İttifaqının Azərbaycan Respublikasındakı səfiri Peter Mixalko ilə görüşüb.

Görüşdə COP29 çərçivəsində Avropa İttifaqı ilə tərəfdaşlıq və Aİ ilə ümumi əməkdaşlıq məsələləri müzakirə edilib.

Aİ tərəfinə danışıqlar prosesi və fəaliyyət gündəliyi haqqında məlumat verilib, Bonn şəhərində keçirilən İqlim Konfransının nəticələri müzakirə edilib və danışıqların uğurla həyata keçirilməsində bütün tərəflər kimi Aİ-nin də konstruktiv mövqeyinin əhəmiyyəti vurğulanıb.

Səfir qlobal iqlim dəyişikliyi ilə mübarizədə əsas oyunçulardan biri kimi COP29-a ev sahibliyi edən Azərbaycanın bu konfransda ən yaxşı nəticələrə nail olacağına ümid edildiyini bildirib. COP məqsədlərinin səmərəli həyata keçirilməsi üçün cari il ərzində COP29-la bağlı tədbirlərin təşkilinə dair müzakirələr aparılıb.