Azərbaycan Respublikası Ədliyyə Nazirliyinin Tibb baş idarəsinin Qlobal Fond ilə birgə icra etdiyi Layihəsinin İcra Qrupunun (LİQ) maliyyə və satınalmalar üzrə mütəxəssis vakansiyası haqqında elan
Səhiyyə Nazirliyi Əsas Resipiyent (ƏR), Ədliyyə Nazirliyinin (ƏN) Tibb baş idarəsi (TBİ) Sub-resipiyent olduğu, Qlobal Fondun maliyyə dəstəyi ilə Penitensiar müəssisələrdə icra edilən "Azərbaycan Respublikasında yüksək riskə məruz qalan əhali qrupları üçün milli imkanların, profilaktika və müalicə xidmətlərinin gücləndirilməsi vasitəsilə İİV epidemiyasına qarşı cavab tədbirlərinin genişləndirilməsi və zəruri ÇDD/GDD vərəm xidmətlərinə çıxışın və keyfiyyətinin davamlılığının təmin edilməsi" Layihəsinin İcra Qrupunun (LİQ) maliyyə və satınalmalar üzrə mütəxəssisi vəzifəsi üzrə vakansiya elan edir.
Layihənin icra müddəti: 30.06.2024-ci ilə qədər, sonradan uzadılmaq perspektivi ilə
Vərəm (TB), Çoxsaylı Dərmanlara Davamlı və Geniş Dərmanlara Davamlı vərəm (ÇDD/GDD-TB) penitensiar müəssisələr (PM) daxil olmaqla, Azərbaycan səhiyyəsində narahatedici məsələ olaraq qalmaqdadır. Ümumdünya Səhiyyə Təşkilatının Avropa Regional Bürosunun təsnifatına əsasən, Azərbaycan ÇDD vərəmin səviyyəsi yüksək olan ölkələr sırasına daxildir. 2021-2025-ci illər üçün yeni Milli Strateji Planın əsas məqsədi Azərbaycanda vərəmin, o cümlədən ÇDD vərəmin qeydiyyatı, yayılması və ondan ölüm hallarının əhəmiyyətli dərəcədə azaldılması yolu ilə vərəmin sosial-iqtisadi yükünü aşağı salmaqdır. İİV/QİÇS Azərbaycanda nisbətən az yayılmışdır, lakin epidemiyanın geniş miqyas alması təhlükəsi mövcud olmaqdadır.
PM-də Vərəm və İİV/QİÇS ilə mübarizə tədbirlərinin bir hissəsi Qlobal Fondun (QF) qrant vəsaitləri hesabına, Ədliyyə Nazirliyi (ƏN) Tibb baş idarəsinin (TBİ) Sub-resipiyent (SR) qismində icra etdiyi faəliyyətləri çərçivəsində həyata keçirilir. Layihə fəaliyyətlərinin icrası üçün Layihə İcra Qrupu (LİQ) təsis edilmişdir. LİQ maliyyə və satınalmalar üzrə mütəxəssisinin üzərinə layihə çərçivəsində keyfiyyətli və nəticə etibarı ilə səmərəli yanaşmanı təmin edərək, maliyyə əməliyyatlarının müəyyən edilmiş qaydada və müddətdə həyata keçirilməsi, satınalma prosedurlarına əməl olunması və səmərəliliyin yüksəldilməsinin təmin edilməsi məsuliyyəti qoyulacaqdır.
Maliyyə və satınalmalar üzrə mütəxəssisin vəzifə öhdəlikləri:
-Layihədə müəyyən olunan fəaliyyətlərin Azərbaycan Respublikasının qanunvericiliyinə, QF normativ sənədlərinə, təlimatlarına və qərarlarına, Əsas Resipiyentin (ƏR) tələbinə və TBİ göstərişlərinə müvafiq vaxtı-vaxtında icrasını təmin etmək
-Öz fəaliyyətlərini PM iş spesifikasına müvafiq qurmaq, onunla ziddiyyət yaratmamaq və ümumi yekun nəticəyə yönəltmək
-Tender sənədlərinin hazırlanması və müzakirə olunması, həmçinin, bütün maliyyə aspektlərinin analizi və qiymətləndirilməsində bilavasitə iştirak etmək (ödəmə mexanizmləri, büdcə, vaxt cədvəlləri, mədaxil və s.)
-Layihənin icra olunmasına dair rüblük, yarımillik, illik və digər maliyyə hesabatların ƏR-ə təqdim edilməsini təmin etmək
-ƏR, QF və ƏN TBİ maliyyə nizamnamələrinə əməl olunmanı təmin etmək
-Hesabat prosesindəki problemləri aşkarlamaq və onları aradan qaldırmaq
-Mühasibat praktikasında ümumi qəbul olunmuş maliyyə xərclərinin qeydiyyatı sistemini aparmaq; bütün mühasibat / ƏR, QF mütəxəssisləri və xarici auditorları üçün maliyyə sənədlərini hazırlamaq
-Büdcənin və xərclərin müqayisəsini aparmaq, aşkar olunmuş uyğunsuzluqların analizinə dair aylıq, rüblük və yarımillik hesabatları hazırlamaq
-Malların/xidmətlərin icraçı tərəflərə çatdırılması/mübadiləsi prosesinin şəffaf, effektiv, vaxtı-vaxtında aparılmasını təmin etmək
-Tender sənədlərini hazırlamaq və bu sənədlərin tenderdə iştirak etmək istəyən şəxslərə təqdim etmək
-Tenderdə iştirak etmək istəyənlərin təkliflərini (təkliflərin vaxtı-vaxtında alınması, əlavə məlumatların tələb olunması və s.) Tender Komissiyasının iclasları üçün hazırlamaq və tenderdə iştirak edənlərlə əlaqə saxlamaq
-Bütün tərəfdaşlarla lazımi əməkdaşlıq qurmaq
Korporativ bacarıqlar:
-Maliyyə və satınalmalar üzrə mütəxəssis layihəyə bağlılığını, bilik mübadiləsi aparmaq cəhdlərini və müxtəlif insanlara qarşı loyal münasibət nümayiş etdirməlidir
-PM kimi spesifik və gərgin şəraitdə işləməyi bacarmalıdır
Əsas bacarıqlar və təcrübə:
-Maliyyə sahəsində bakalavr dərəcəsi (magistr dərəcəsi üstünlük hesab edilir)
-Maliyyə, iqtisadiyyat, ticarət, idarəetmə və digər müvafiq sahədə ali təhsil arzuolunandır
-İqtisadıyyat və/və ya Mühasibat sahəsində iş təcrübəsi
-Satınalma sahəsində iş təcrübəsi
-Səhiyyə layihələrində iş təcrübəsi üstünlük hesab edilir
-İri büdcəli layihələrdə iş təcrübəsi
-Azərbaycan, rus və ingilis dillərində sərbəst yazmaq və danışmaq bacarığı
-Ofis proqramlarında mükəmməl işləmək bacarığı
Namizədin CV-si [email protected] ünvanına göndərilməlidir. Müraciətlər 31.10.2022-ci il tarixində saat 18:00-a qədər qəbul ediləcək. Müsahibə üçün seçilmiş namizədlər elektron məktubla və telefon əlaqəsi yaradılmaqla məlumatlandırılacaq.
