Azərbaycan Respublikasının Prezidenti İlham Əliyevin tapşırığına əsasən, koronavirus infeksiyasının yayılmasına qarşı mübarizə üçün humanitar yardım olaraq daha iki ölkəyə “AstraZeneca” peyvəndi partiyası göndəriləcək.

Belə ki, Azərbaycanın milli aviadaşıyıcısının (AZAL)  təyyarələri ilə Tacikistana, Bosniya və Herseqovinaya həmin vaksinin 40 min dozası  çatdırılacaq.

“AstraZeneca” peyvəndi AZAL-ın çarter reysləri ilə 19 iyulda Bakıdan Sarayevoya, 20 iyulda isə  Düşənbə şəhərinə göndəriləcək.

Xatırladaq ki, daha əvvəl Azərbaycan Özbəkistana (50 min) və Qırğızıstana (40 min) “AstraZeneca” peyvəndini göndərmişdir.

“Azərbaycan Hava Yolları” QSC-nin mətbuat xidməti.