Göyçə mahalının Basarkeçər rayonu azərbaycanlıların yaşadıqları ən qədim yaşayış məskənlərindən olub. Bu rayon 1930-cu il sentyabrın 9-da təşkil olunmuşdur. Basarkeçər rayonu Ermənistanın Krasnoselo (keçmiş Çəmbərək, Martuni (keçmiş Aşağı Qaranlıq, Azərbaycanın Kəlbəcər və Gədəbəy rayonları ilə həmsərhəd idi. Rayonun böyük bir hissəsi Göyçə gölü (indiki Sevan) ilə əhatə olunmuşdur. Ərazisi 1151 km2, əhalisi isə 1985-ci ilin məlumatına görə 60633 nəfər olmuşdur. Rayonun ərazisi bizim eranın əvvəllərindən XIX əsrin əvvəllərinə kimi Alban dövlətinin, ərəblərin, səlcuqların, qaraqoyunluların, ağqoyunluların, səfəvilərin, əfşarların, qacarların və İrəvan xanlığının (XVIII əsrin ortaları 1828-ci il), 1828-ci ildən sonra çar Rusiyasının, 1918-1920-ci illərdə bir hissəsi Azərbaycan Demokratik Respublikasının (1918-1920), bir hissəsi isə 1918-1920-ci illərdə daşnakların hakimiyyəti (1918-1920) altında olmuşdur.
Azərbaycanda və Ermənistanda sovet hakimiyyəti qurulduqdan sonra Göyçə mahalının Basarkeçər rayonu bütövlükdə bolşeviklər tərəfindən Ermənistan SSR-yə verilmişdir. Elə o günlərdən də bu mahalda yaşayan əhali 1988-ci ilin sonuna kimi müxtəlif yollarla ermənilər (haylar) tərəfindən ata-baba torpaqlarından köçməyə məcbur olmuşlar.
1849-cu ildə İrəvan quberniyası yaradılan zaman onun mahallarından biri Novo (Yeni) Bayazid adlandırıldı. Bu qəzanın ərazisi bütövlükdə Göyçə mahalını əhatə edirdi. 1918-1920-ci illərdə də yenə də Nor (Yeni) Bayazid qəzası adlanırdı.
1930-1937-ci illərdə yeni inzibati-ərazi islahatı zamanı qəza beş rayona bölündü. Bu rayonlardan biri də azərbaycanlıların daha çox məskunlaşdıqları Basarkeçər oldu.
Bu rayonların içərisində həm əhalisinə, həm də ərazisinə görə ən böyük Basarkeçər idi. Ümumiyyətlə, Basarkeçər rayonuna daxil olmaqla Göyçə mahalında tarix boyu həmişə türklər (azərbaycanlılar) yaşamışdır. Ermənilərin (hayların) ayağı bu torpaqlara yalnız XIX əsrin birinci rübündə, yəni çar Rusiyasının Cənubi Qafqazı işğal edəndən sonra dəymişdir.
Statistik məlumatlar göstərir ki, Basarkeçər rayonunun indiki ərazisindən köçürülən ermənilərin sayı tədricən artmağa başlamış, yəni 1831-ci ildə 0,5 faiz, 1988-ci ildə 26 faizə çatmışdır.
Tarixi mənbələr göstərir ki, Səfəvi qoşunu Basarkeçərdə də olmuş, burada böyük məhəbbətlə qarşılanmışdır. Şair Miskin Abdal Basarkeçər rayonunun Sarıyaqub kəndində dünyaya göz açmış, fəlsəfi dünyagörüşü ilə fərqlənmiş, Səfəvi şahı Miskin Abdalı öz sarayına dəvət etmiş, bir müddətdən sonra şah vəfat etmiş və şair yenidən doğma kəndləri Sarıyaquba qayıtmışdır. Bir çox mənbələrə görə, Miskin Abdalla Şah İsmayıl Xətai arasında sıx dostluq əlaqələri olmuşdur. 1918-ci ilin Novruz bayramı ərəfəsində erməni daşnakları Göyçə mahalında—Basarkeçərin Zod, Şişqaya, Zağalı, Kiçik Məzə və digər kəndlərində azərbaycanlılara qarşı vəhşiliklər törətmiş, dinc əhalini amansızlıqla qətlə yetirmişdir. Bu qırğının isə təşkilatçısı qatı millətçi, şovinist Stepan Şaumyan olmuşdur.
Silikvun başçılıq etdiyi quldur dəstəsinin qarşısı ancaq Zod kəndində alınmış, Səməd Ağa və onun silahdaşları polkovnik Silikovu və onun dəstəsini tələyə salaraq məhv etmişlər.
1930-cu illərin sonlarında Basarkeçər rayonunun əhalisinin etnik tərkibi azərbaycanlıların xeyrinə dəyişmiş, türk əhali 70 faizdən artıq təşkil etmişdir. Bunu görən Ermənistan SSR hökuməti azərbaycanlıların əleyhinə yeni planlar qurmağa başladı. 1940-cı illərin sonunda xaricdə yaşayan ermənilərin (hayların) Ermənistan SSR-ə köçürülməsi bəhanəsi ilə Qərbi Azərbaycan (indiki Ermənistan) türklərinin zorla (buna könüllülük donu da geydirməyə çalışmışdılar) Azərbaycan SSR-ə köçürülməsi kampaniyası başladı. Ancaq həmin dövrdə Basarkeçər rayonunun qeyrətli şəxslərinin mərdliklə dayanmaları ermənilərin 1948-1953-cü illərdə həyata keçirmək istədikləri planlarını pozdu. Basarkeçər rayonunun ərazisindən cəmi 3 kənd: Yarpızlı, Qanlı, Qızılvəng kəndləri köçürüldü. Onların yerinə bir nəfər də olsun erməni mühaciri gəlmədi. Xaricdən gələn ermənilərdən (haylardan) cəmi 20 ailə Basarkeçər rayonunun (Gödəkbulaq, Qırxbulaq və Böyük Məzrə, kəndlərində yerləşdirildi.
1948-1953-cü illərdə 100 min nəfərdən çox türkün Qərbi Azərbaycandan (indiki Ermənistan) Azərbaycan SSR-ə köçürülməsinə baxmayaraq, Basarkeçər rayonunda 1988-ci ilədək azərbaycanlılar əksəriyyət təşkil etmişdir. Ona görə də 1966-cı ilədək Basarkeçər rayon partiya komitəsinin 1-ci katibi azərbaycanlı olmuş, rəhbər vəzifələrdə çalışanların əksəriyyətini azərbaycanlılar təşkil etmiş, faşist xislətli ermənilərin baş qaldırılmasına yol verilməmişdir. Rayonun kəndlərindən 90 faizi azərbaycanlılar kəndi olmuşdur.
1987-ci ildə 47 kəndin cəmi 4-ü erməni (hay) kəndi idi. 1988-ci ildə isə rayonda olan kəndlərin əksəriyyəti Azərbaycan kəndi olmuşdur. 3 kənd isə qarışıq kənd idi. Ermənilər Basarkeçərdə 30 faizə yaxın təşkil edirdi. Ermənilər əsasən rayon mərkəzində yaşayırdı.
Əhalinin sayının çoxluğunu azərbaycanlılar təşkil etdiyi halda, 1966-cı ilin payızında Basarkeçər rayon partiya komitəsinin 1-ci katibi vəzifəsinə qeyri-qanuni olaraq erməni təyin edildi, İrəvanda hazırlanan bu ssenari şübhəsiz ki, Basarkeçərin azərbaycanlı əhalisi tərəfindən narazılıqla qarşılandı, bununla da, onların xoş növrağı pozuldu.
Uzun illər rayonun Basarkeçər adlandırılması ox kimi ermənilərin qəlbinə sancılmışdı. Daşnaklar hər vəchlə çalışırdılar ki, Basarkeçərin adı dəyişdirilsin. Bu ideyanı ortaya atan əslən basarkeçərli olan, qatı millətçi, türk qanına susayan akademik, Ermənistan Elmlər Akademiyasının Prezidenti Viktor Hambartsumyan idi. Lakin Viktorun bu arzusu ürəyində qalmışdır. Bunun səbəbi isə Basarkeçər rayon partiya komitəsinin katiblərinin uzun illər azərbaycanlılar olması idi. 1-ci katiblərdən SSRİ Ali Sovetinin deputatı Yunis Rzayev, Talıb Musayev ermənilərə əl-qol atmağa imkan vermirdi.
Nəhayət, 1969-cu ilin iyun ayında ermənilərin xəyanət toru nəticəsində Basarkeçər rayonunun adı dəyişdirilərək Vardenis adlandırıldı. Bu tədbirə qatılan Viktor Hambartsumyan özü ilə incəsənət ustaları da gətirmişdi. Daşnakların xəyanət toru bütün ermənilər tərəfindən razılıqla qarşılandı. Sonra isə İrəvandan gəlmiş rəhbər vəzifələrdə çalışan erməni terrorçuların şərəfinə Göyçə gölünün sahilində məclis quruldu. Viktor Hambartsumyan əlində badə qürur hissi ilə bildirdi ki, Basarkeçərə Vardenis adı verilməsi ürəyimcədir. Çünki Vardenis Martuni rayonunda dağ adı olub. Bu ərazi isə babama məxsusdur.
Viktor sözünə davam edərək vurğuladı ki, uzun illərdən sonra biz Basarkeçəri Vardenis etdik. Şübhəsiz ki, yaxın gələcəkdə türkləri bu ərazilərdən qovub çıxaracaq, “Dənizdən-dənizə”, “Böyük Ermənistan” ideyası reallığa çevriləcəkdir...
Əslinə qalsa, bu sayıqlama idi. Ermənilər bilməli idilər ki, hər an onların başına türk qılıncı enə bilər, dəmir yumruq məngənə tək onların başını əzə bilər...
Basarkeçərin adının dəyişdirilərək Vardenis olması ermənilərin ən böyük xəyanətlərindən biri idi. Onların Basarkeçərdəki azərbaycanlılara məxsus coğrafi adları dəyişdirməklə Basarkeçərin tarixi adını da erməniləşdirdilər. Ancaq bu, daşnak quldurlara heç nə verməyəcək. Günlərin bir günündə Müzəffər Azərbaycan Ordusu Kəlbəcərdən keçib Basarkeçərin ərazisinə daxil olacaq, haylar əzəli Azərbaycan torpağı olan Göyçəyə əbədi məskən sala biləcəklər.
Qədir ASLAN,
“Respublika”.