Qafqaz regionuna, o cümlədən Azərbaycana ilk dəfədir səyahət edirəm. Dünən Bakıda gəzintimiz oldu. Ölkənizin paytaxtı modern və gözəl şəhərdir. Xocavəndə gələrkən yolda gördüyüm sürətli yenidənqurma və bərpa işləri diqqətimi çəkdi, həmçinin olduğumuz tarixi məkanlar çox maraqlı gəldi.

Bu sözləri AZƏRTAC-a müsahibəsində Almaniyadan gəlmiş səyahətçi Fabian Veidman Xocavənddə yerləşən Azıx mağarasına səfəri zamanı deyib.

Səyyah bildirib ki, Azıx mağarası çox heyrətamizdir. "Mağaraya səyahət zamanı bizə məlumat verildi ki, bu maraqlı məkanda qədim insanlara aid çənə sümüyü tapılıb. Mən bu səyahəti çox bəyəndim və ölkəmə məmnun qayıdacağam", - deyə o əlavə edib.