"TEKNOFEST Azərbaycan" çərçivəsində yuxarı sinif şagirdləri, tələbələr və startapçılar arasında ümumilikdə 8 müsabiqə - "Baku Skills", Pilotsuz uçuş aparatları", "ROBOTİKS", "AgroTech", "Sosial innovasiyalar", "Həvəskar peyk modelləşdirilməsi", "PLANER", "Ətraf mühitin qorunması və bərpa olunan enerji mənbələri" təşkil olunub.

AZƏRTAC xəbər verir ki, müsabiqələr 3 kateqoriya iştirakçı arasında keçirilir - məktəblilər (A), tələbələr (B) və fərdi şəxslər və ya sahibkarlar (C). Bəzi müsabiqələr yalnız bir və ya iki kateqoriyada aparılır.

Qeyd edək ki, müsabiqələrə qatılmaq üçün 5 mindən çox gəncin formalaşdırdığı 1000-dən çox komanda müraciət edib. Onlardan 170 komanda finala vəsiqə qazanacaq.

AZƏRTAC