Azərbaycanda olan hadisələr
1988 – Azərbaycan SSR-də mövcud olan hərbi hakimiyyət Azadlıq meydanına 17 noyabrdan yığılmış mitinqçilərə meydanı boşaltmaq əmri verib. Dekabrın 4-nə keçən gecə hərbçilər zorla meydanı boşaldıb mitinq iştirakçılarını həbs ediblər.
1994 – "Gürcüstan və Azərbaycan dostluq evi" İctimai İttifaqı təsis olunub.
1996 – ATƏT-in Lissabon zirvə görüşü başa çatıb. 53 dövlət Azərbaycanın ərazi bütövlüyünü dəstəkləyən bəyanat qəbul edib.
Dünyada olan hadisələr
1586 – Kartof ilk dəfə Kolumbiyadan İngiltərəyə gətirilib.
1609 – Qalileo Qaliley teleskopu ixtira edib.
1775 – “Alfred” gəmisində Amerika bayrağı ilk dəfə rəsmi olaraq qaldırılıb.
1800 – Fransız generalı Moro Hohenlinden (Bavariya) döyüşündə avstriyalıları məğlub edib.
1810 – İngiltərə Mavrikiyi fransızlardan geri alıb.
1818 – İllinoys ABŞ-ın 21-ci ştatı olub.
1910 – Paris avtosalonunda mühəndis Jorj Klod ixtira etdiyi neon lampasını təqdim edib.
1912 – Bolqarıstan, Yunanıstan, Serbiya və Monteneqro Türkiyə ilə Çatalca atəşkəsi imzalayıb. 1913-cü il yanvarın 23-də Çatalcada döyüşlər yenidən başlayıb.
1918 – Birinci Dünya Müharibəsindən sonra Londonda Müttəfiqlərin Konqresi başa çatıb. Almaniyanın müharibə təzminatını ödəməsi qərara alınıb.
1944 – Yunanıstanda kommunistlər və kralçılar arasında vətəndaş müharibəsi başlayıb.
1956 – Böyük Britaniya və Fransa Süveyşdən çəkildiklərini elan ediblər.
1966 – Naməlum Əsgərin qalıqları Kreml divarının yanında basdırılıb.
1967 – Tibb tarixində ilk ürək transplantasiyası əməliyyatı Keyptaun (Cənubi Afrika) Groot Shute Xəstəxanasında həyata keçirilib: ölümcül yaralanmış 25 yaşlı qadının ürəyini 55 yaşlı xəstəyə köçürülmə əməliyyatı professor Kristian Barnard tərəfindən aparılıb.
1969 – Boeing 707 təyyarəsi Karakasdan (Venesuela) havaya qalxarkən suya düşüb, 62 nəfər həlak olub.
1971 – Üçüncü Hind-Pakistan müharibəsi başlayıb.
1972 – Convair 990 təyyarəsi Tenerifedə (Kanar adaları) havaya qalxarkən qəzaya uğrayıb, 155 nəfər həlak olub.
1973 – "YUPİTER-10" kosmik peyki ilk dəfə Yerə Yupiterin tam həcmli şəkillərini göndərib.
1979 – Ayətullah Ruhullah Xomeyni İranın ilk dini lideri olub.
1981 – Türkiyədə Bülent Ecevit dörd aylıq həbs cəzasını çəkmək üçün Ankara Mərkəzi Qapalı Həbsxanasına salınıb.
1984 – Hindistan. Bhopal fəlakəti: Pestisid zavodunda metil izosiyanat sızması 18000-dən çox insanın ölümünə və yüz minlərlə insanın yaralanmasına səbəb olub.
1989 – ABŞ prezidenti Corc Buş və Sov.İKP MK-nın baş katibi Mixail Qorbaçov ölkələrinin artıq rəqib olmadığını elan ediblər. Bu gün Soyuq Müharibənin bitməsinin rəsmi tarixi kimi tarixə düşüb.
1991 – SSRİ DTK-sı ləğv edilib.
1992 – İlk SMS göndərilib.
1994 – Sony özünün ilk PlayStation video oyun konsolunu dünyaya təqdim edib.
1997 – Piyada əleyhinə minaların istifadəsini, istehsalını, yığılmasını və ixracını qadağan edən Ottava Müqaviləsi imzalanıb.
1999 – İkinci Çeçen Müharibəsi: Rus qoşunları Çeçenistanın üçüncü böyük şəhəri Arqunu ələ keçirib.
2002 – Ümumdünya Ərzaq Proqramı Afrikada 38 milyon insanın aclıqla üzləşdiyini açıqlayıb.
2006 – Venesuelada prezident seçkilərində polkovnik Uqo Çaves qalib gəlib.
Bayramlar və xüsusi günlər
- Beynəlxalq Əlillər Günü (BMT).
- Ümumdünya Kompüter Qrafikası Günü.
- Rusiyada Naməlum Əsgərin Anım Günü.
Doğumlar
1447 – II Bəyazid və ya Sultan Bəyazid-i Vəli, Osmanlı İmperiyasının 8-ci padşahı. Atası Fateh Sultan Mehmed, anası Sitti-Mükrimə Xatundur. Taxta keçəndə imperiyanın ərazisi 511.000 km² Asiyada, 1.703.000 km² Avropada olmaqla, cəmi 2.214.000 km² idi. Onun ölümündə Osmanlı imperiyasının ərazisi böyüyərək təxminən 2.375.000 km² idi (ö. 1512)
1898 – Mixail Koşkin, sovet mühəndis-konstruktoru, T-34 tankının yaradıcısı (ö. 1940).
1911 – Nino Rota (əsl adı Giovanni Rota Rinaldi), italyan bəstəkarı, Oskar, Qızıl Qlobus və Qremmi mükafatları laureatı (ö. 1979).
1924 – Con Bakus, amerikalı riyaziyyatçı, Fortran proqramlaşdırma dilinin yaradıcısı (ö. 2007).
1953 – Şikar Şikarov, Azərbaycanın Milli Qəhrəmanı (ö. 1992).
