“COVID-19 çox güman ki, laboratoriya mənşəli deyil, təbiidir”.
"Respublika" xəbər verir ki, bu barədə "AOL" məlumat yayıb.
Bildirilib ki, Ümumdünya Səhiyyə Təşkilatının (ÜST) baş alimi Ceremi Farrar COVID-19-un təbii mənşəli olmasının getdikcə daha çox ehtimal edildiyini deyib.
Alim hələ də koronavirusun mənşəyi ilə bağlı digər fərziyyələri, o cümlədən, Uhan Virusologiya İnstitutundan biomaterialın sızması və ötürülməsini, həmçinin, şəhər bazarlarından heyvan əti vasitəsilə yoluxma fərziyyələrini nəzərdən keçirdiyini qeyd edib.
Farrar həmçinin, koronavirusun səbəblərini tapmaq üçün Çində ÜST-ün yeni missiyasını təşkil etməyə çağırıb.
Nəzrin ELDARQIZI,
"Respublika".