Dövlət Statistika Komitəsi bildirir ki, 2023-cü ilin yanvar-iyul aylarında ölkədə 70372,2 milyon manatlıq və ya əvvəlki ilin eyni dövrü ilə müqayisədə 0,7 faiz çox Ümumi Daxili Məhsul istehsal olunmuşdur.

"Respublika" xəbər verir ki, iqtisadiyyatın neft-qaz sektorunda əlavə dəyər 2,2 faiz azalmış, qeyri-neft-qaz sektorunda isə 3,4 faiz artmışdır.

ÜDM istehsalının 42,8 faizi sənaye, 9,4 faizi ticarət; nəqliyyat vasitələrinin təmiri, 6,1 faizi nəqliyyat və anbar təsərrüfatı, 6,0 faizi kənd təsərrüfatı, meşə təsərrüfatı və balıqçılıq, 4,9 faizi tikinti, 2,3 faizi turistlərin yerləşdirilməsi və ictimai iaşə, 1,6 faizi informasiya və rabitə sahələrinin, 17,7 faizi digər sahələrin payına düşmüş, məhsula və idxala xalis vergilər ÜDM-in 9,2 faizini təşkil etmişdir.

Əhalinin hər nəfərinə düşən ÜDM 6938,8 manata bərabər olmuşdur.

“Respublika”.