Ermənilər hər zaman xəbis niyyətlərinə çatmaq üçün bütün vasitələrdən istifadə edirlər, başqalarının qarşısında alçalır, qula, köləyə çevrilir, yaltaq, ikiüzlü, hiyləgər sifətlərini gizlədərək məzlum görkəm alır və imdad diləyirlər. Tarixin silinməz səhifələrində ermənilərin bu riyakarlığı haqqında kifayət qədər faktlar var. Hətta, ermənilər çirkin və xəyanətkar məqsədlərinə çatmaq üçün öz qadınlarından alət kimi istifadə edirlər. Ermənilərin nankorluğu, xəyanəti, istənilən an zərbə vurmağa hazır olmaları bir daha onu göstərir ki, faşist ideologiyası onları dəhşətli dərəcədə zəhərləyib, dini, irqi ayrı-seçkilik bu toplumun mahiyyətinə qara ləkə kimi hopub. Vaxtilə torpaqlarımıza köçürülən ermənilərə qarşı Azərbaycanda heç bir ayrı-seçkiliyə yol verilməsə də, yüksək şəraitdə yaşasalar da, həmişə narazı qalır, havadarlarına şikayətlənir, öz mənfur əməllərindən əl çəkmir, aranı qarışdırmağa, arxadan zərbə vurmağa fürsət axtarırdılar. Ümumiyyətlə, əgər erməni kiməsə dost deyirsə, demək onu bıçaqlayıb, qardaş deyirsə, xəncər həmin adamın kürəyindədir, əlinə girəvə düşən kimi öz xəstə və iyrənc xislətini büruzə verir. Millətçilik və şovinizm son iki əsrdə ermənilərin qanına zəhər kimi işləyib, bu biçarələri sağalmaz xəstəliyə düçar edib. Sülh və əmin-amanlıq içərisində yaşadıqları Qarabağda münaqişə ocaqları yandıran ermənilər azərbaycanlılara qarşı terror hadisələri törətdilər, dinc insanları kütləvi şəkildə qətlə yetirdilər, əsir və girov götürdükləri qadınları, uşaqları qəddarlıqla, işgəncə verməklə öldürdülər. Bu barədə kifayət qədər faktlar, video görüntülər, fotolar, şahidlər var.
Hazırda Ermənistanda 3803 nəfər azərbaycanlı əsir və girovluqdadır, demək olar ki, onların yaşaması sual altındadır. Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasında qeydə alınan insanların faciəsini Ermənistan gizlədir və inkar edir. Şahidlərin sözlərinə görə, Ermənistanda əsirlikdə olan azərbaycanlıların dəhşətli işgəncələrə və mənəvi əzablara məruz qalması, özünüöldürmə dərəcəsinə çatdırılması, qətlə yetirilməsi insanlığa qarşı erməni faşizminin nə qədər təhlükəli olmasını göstərir. Vaxtilə Ermənistanın keçmiş prezidenti Robert Köçəryan AŞPA-da çıxışı zamanı belə bir faşist ideyası irəli sürmüşdü ki, ermənilərlə azərbaycanlılar genetik olaraq uyğun gəlmirlər və bir yerdə yaşaya bilməzlər. Cəllad, əlləri dirsəklərinə qədər azərbaycanlıların qanına bulaşan bu qatil unudur ki, münaqişə başlayan ötən müddət ərzində Bakı şəhərində 30 minə yaxın, qeyri-rəsmi məlumatlara görə, qardaş Türkiyədə 300 minə qədər erməni yaşayır. Ermənistanda isə bir nəfər də azərbaycanlı yaşamır, monoetnik dövlətə çevrilib, hər vasitə ilə Azərbaycana və Türkiyəyə qarşı rəsmi səviyyədə böyük bir nifrət təbliğ edilir.
Faktlar sübut edir ki, ermənilər öz məqsədlərinə çatmaq üçün hər cür rəzilliyə, şərəfsizliyə razı olur, yalan və saxta məlumatlar yayırlar. Azərbaycanlı ekofəalların və könüllülərin Laçın-Xankəndi yolunda Qarabağ iqtisadi rayonundakı faydalı qazıntı yataqlarında ermənilərin qanunsuz istismarına qarşı keçirdikləri etiraz aksiyasının mahiyyətini dəyişməyə cəhd edir, böhtan və şantajla öz cinayətlərini sığortalamağa çalışırlar. Xankəndidə və ətraf ərazilərdə yaşayan erməni qadınlar Roma papasına açıq məktub göndəriblər. Bu barədə Ermənistanda nəşr olunan "Hraparak" qəzeti məlumat yayıb. “Açıq məktub”un ilk cümləsindən hayların yaltaqlığı, sözün əsl mənasında insanda ikrah hissi yaradır, erməni qadınların məntiqinə görə Roma papası fransız mənşəli olmaqla dünyanın ən böyük dini lideridir. Ermənilərin min illərdir xristian və Romanın "əvəzsiz" təəssübkeşi olduğunu xatırladan axçilər saxta göz yaşları tökərək guya "120 min" erməninin “blokada”da hər cür əzablara dözdüklərini, uşaqların məktəbə, xəstələrin müalicəyə gedə bilməməsini yazırlar. Yaltaqlıq və etnik lovğalıqla dolu bu məktubda müticəsinə xahiş olunur ki, Roma papası bütün xristian dövlətlərinin diqqətini Qarabağdakı separatçı rejimin və oradakı hayların müdafiəsinə cəlb etsin.
Ermənilər kirpiklərini qırpmadan ağ yalan danışmağa, böhtan atmağa, azərbaycanlıları düşmən elan etməyə vərdiş ediblər.
“Blokada”dan, “həyat yolu”nun bağlanmasından, aclıqdan, qıtlıqdan haray-həşir qoparan ermənilərin nəfəsi də yalanla gedib gəlir. Onlar dünyanı aldatmaqda çox pərgardılar. Ancaq bu dəfə deyəsən, daş qayaya rast gəlib, etirazçıların dinc aksiyaları və humanitar yüklər üçün yolun bağlı olmaması erməni paxırının üstünü açır. Təkcə bir gün ərzində Şuşadan keçən Xankəndi-Laçın yolunda Rusiya sülhməramlılarına məxsus 46 avtomobilin hərəkət etməsinə növbəti dəfə şərait yaradılıb. Qeyd edək ki, həmin avtomobillər Xankəndiyə ərzaq və digər zəruri məhsullar daşıyırlar. Bu, bir daha onu sübut edir ki, yol aksiyanın keçirilməsinə baxmayaraq, humanitar məqsədlər üçün açıqdır. Ekofəalların və könüllülərin etiraz aksiyası keçirməkdə məqsədləri ermənilərin Azərbaycanın əzəli və əbədi ərazisi olan “Qızılbulaq” qızıl və “Dəmirli” mis yataqlarında qanunsuz istismarın dayandırılması və həmin ərazilərdə monitorinqlərin keçirilməsidir.
Ermənistanın Azərbaycanın tarixi torpaqlarında apardığı ekoloji terror, xüsusilə transsərhəd çaylardakı şirin su hövzələrinin çirkləndirilməsi davam edir. İkinci Qarabağ müharibəsindən sonra Azərbaycanın tarixi torpaqlarında basdırılan minalar göstərir ki, düşmən ölkə xalqımıza qarşı humanitar fəlakət və ekoloji terror törətməkdən əl çəkmək istəmir. Yaxşı deyiblər ki, haqq nazilər, amma üzülməz. Ona görə də azərbaycanlı gənclərin haqlı tələbləri yerinə yetirilməyənə qədər etiraz aksiyaları davam edəcək, cinayətkarlar layiqli cəzalarına çatacaq.
Salman ALIOĞLU,
“Respublika”.
