21 yaşadək futbolçulardan ibarət komandalar arasında Avropa çempionatının seçmə mərhələsində keçiriləcək Azərbaycan – Şimali İrlandiya oyununun hakimləri açıqlanıb.
“Respublika” AFFA-nın rəsmi saytına istinadən xəbər verir ki, “Azersun Arena”da baş tutacaq qarşılaşmanı Bolqarıstandan olan hakimlər briqadası idarə edəcək.
Baş hakim Georgi Davidovun köməkçiləri Georgi Doynov və Miroslav Maksimov olacaq. Dördüncü hakim funksiyasını isə Kristiyan Kolev yerinə yetirəcək.
Qeyd edək ki, oktyabrın 12-də keçiriləcək Azərbaycan – Şimali İrlandiya oyunu saat 18:00-da başlayacaq.
