Son illər ölkəmizdə aqrar sahənin qədim və gəlirli təsərrüfat növlərindən olan arıçılığın inkişafı mühüm əhəmiyyət kəsb edir. Təsadüfi deyil ki, kənd təsərrüfatında aparılan islahatlar sırasında arıçılığa çox böyük diqqət göstərilir, bu sahədə çoxsaylı tədbirlər həyata keçirilir.
Ölkə başçısının 2018-ci il martın 5-də imzaladığı “Azərbaycan Respublikasında arıçılığın inkişafının stimullaşdırılması haqqında” Sərəncamından sonra bu istiqamətdə işlər daha da canlanıb və geniş miqyas alıb. Respublikamızda arıçılıqla bağlı aparılan işlərin davamı olaraq Cəbrayılda da böyük uğurlar əldə olunur. Belə ki, bu il Cəbrayıl qəsəbələrində məskunlaşmış keçmiş köçkün arıçılar bu günlərdə növbəti süzümü apararaq 1393 arı ailəsindən 12537 kiloqram bal istehsal etmişlər.
Daha bir sevindirici fakt odur ki, hazırda 837 arı ailəsi işğaldan azad olunmuş Cəbrayıl rayonunda, 83 arı ailəsi isə Laçın rayonunda saxlanılır.
Tofiq HÜSEYN,
“Respublika”.