Yardımlı Rayon İcra Hakimiyyətinin və Yardımlı Rayon Heydər Əliyev Mərkəzinin birgə təşkilatçılığı ilə ulu öndərin anadan olmasının 100 illiyinə həsr olunmuş tədbir keçirilib. Tədbirdə RİH başçısının müavini – İctimai-siyasi və humanitar məsələlər şöbəsinin müdiri Əfsanə Məmmədova, idarə, müəssisə və təşkilatların rəhbərləri iştirak ediblər.
Əvvəlcə ulu öndər Heydər Əliyevin, eləcə Azərbaycan Respublikasının ərazi bütövlüyü uğrunda canından keçən qəhrəman Vətən övladların əziz xatirəsi bir dəqiqəlik sükutla yad olunub.
RİH başçısının müavini – İctimai-siyasi və humanitar məsələlər şöbəsinin müdiri Əfsanə Məmmədova çıxışında deyib ki, Ulu Öndər Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış, onu müstəqilliyə qovuşdurmuş qüdrətli şəxsiyyətdir. Dövlət müstəqilliyimizin möhkəmləndirilməsində misilsiz xidmətləri olmuş, xalqımızın xilaskarı, ümummilli lider Heydər Əliyevin ideyalarını müasir dövrün tələblərinə uyğun ölkə rəhbəri İlham Əliyev uğurla davam etdirir.
Zəfər ORUCOĞLU,
Azərbaycan Jurnalistlər Birliyinin üzvü.