“Qarabağ”a getməyimin səbəbi Çempionlar Liqasında oynamaq imkanı əldə etmək idi”.

"Respublika" xəbər verir ki, bu sözləri “Qarabağ”ın sabiq qapıçısı Vaqner Silva Azərbaycandakı karyerası barədə xarici KİV-lərə müsahibəsində deyib.

Braziliyalı qolkiper Ağdam təmsilçisinin əla struktura malik böyük komanda olduğunu bildirib: “Geriyə baxıb onlarla iki dəfə liqanı qazandığımı xatırlayanda bunun Azərbaycana səyahət etməyə dəydiyini anlayıram”.

O, “Qarabağ”da yaxşı insanlarla tanış olduğunu söyləyib: “Şəxsi təcrübəmdən deyə bilərəm ki, ölkəni, mədəniyyətini və yeməklərini çox bəyəndik. Bakı qeyri-adi şəhərdir. Mən və ailəm orada çox xoşbəxt idik”.

Qeyd edək ki, Vaqner Silva 2018-2020-ci illərdə “Qarabağ”ın formasını geyinib.