Elektron Təhlükəsizlik Xidməti məktəblilər üçün maarifləndirmə tədbirləri keçirib
Sosial həyat

Elektron Təhlükəsizlik Xidməti məktəblilər üçün maarifləndirmə tədbirləri keçirib

17 və 18 aprel tarixlərində Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti (ETX) və “Məktəblinin dostu” layihəsinin birgə təşkilatçılığı ilə növbəti maarifləndirmə tədbirləri 18, 211, 20 və 53 nömrəli tam orta məktəblərdə keçirilib.

Nazirliyinin mətbuat xidmətinin verdiyi məlumata görə tədbirlərin keçirilməsində məqsəd məktəblilərin kibertəhlükəsizlik sahəsində maarifləndirilməsi, onların kibergigiyena qaydaları və onlayn mühitdə təhlükəsizlik qaydaları haqqında məlumatlandırılması olub.

Ümumilikdə 700-dən artıq şagirdin iştirak etdiyi tədbirlərdə ETX-nin əməkdaşı məktəblilərə kibertəhlükələrdən qorunmaqla bağlı faydalı məlumatlar verib.

“Respublika”.