Lerik rayon Heydər Əliyev Mərkəzində ümummilli lider Heydər Əliyevin anadan olmasının 100 illiyi münasibətilə “Heydər Əliyev və Azərbaycan gəncliyi” adlı dəyirmi masa keçirilib .
Müstəqil Azərbaycanın yaradıcısı, türk dünyasının böyük oğlu, dahi şəxsiyyət Heydər Əliyevin, eləcə Azərbaycanın bütövlüyü uğrunda canından keçib şəhidlik zirvəsinə ucalan Vətən övladların əziz xatirəsi bir dəqiqəlik sükutla anıldı. Tədbiri giriş sözü ilə açan Lerik rayon Gənclər və İdman idarəsinin baş məsləhətçisi Orxan Abbaszadə qeyd etdi ki, ölkəmizdə gəncliyin yüksək intellektual biliyə, sağlam ruh və bədənə malik olması, mənəvi və milli dəyərlərə sədaqət ruhunda tərbiyə olunmasının əsası Azərbaycan xalqının ümummilli lideri Heydər Əliyev tərəfindən qoyulubdur. Heydər Əliyev daim Azərbaycanın gələcəyi haqqında düşünürdü, gənc nəslin inkişafına davamlı qayğı göstərirdi.
Tədbirdə digər çıxış edənlər vurğuladılar ki, ölkəmizdə hazırda gənc nəslin problemlərinin həlli, onların cəmiyyət həyatında layiqli təbəqə kimi iştirakının təmin olunması üçün həyata keçirilən bütün zəruri tədbirlər Azərbaycan gəncliyini daha işıqlı sabahlara aparır.
Tədbir ulu öndər Heydər Əliyevin həyatından bəhs edən filmin nümayişi, bu, dahi şəxsiyyətin 100 illiyinə həsr olunmuş sərgiyə baxışla tamamlanıb.
Zəfər ORUCOĞLU.