Yunanıstan rəsmiləri tərəfindən qeyri-qanuni olaraq Türkiyə ərazi sularına çıxarılan 94 qeyri-qanuni miqrant Egey dənizində xilas edilib.

"Respublika" Türkiyə Sahil Mühafizəsinə istinadən xəbər verir ki, bir neçə əməliyyatdan sonra ümumilikdə 94 miqrant müntəzəm prosedurlar üçün əyalət miqrasiya orqanlarına aparılıb.

Türkiyə və qlobal hüquq qrupları Yunanıstanın qeyri-qanuni miqrantları geri göndərdiyinə görə dəfələrlə pisləyib və bunun qadın və uşaqlar da daxil olmaqla, həssas miqrantların həyatını təhlükə altına alaraq humanitar dəyərləri və beynəlxalq hüququ pozduğunu bildirib.

Qeyd edək ki, Türkiyə yeni həyatlar qurmaq üçün Avropaya keçmək istəyən qeyri-qanuni miqrantlar, xüsusən də müharibədən qaçanlar üçün əsas tranzit nöqtəsi olub. 

Töhfə SƏMƏDOVA,

"Respublika".