Korona epidemiyası zamanı hazırladıqları peyvəndlə dünya miqyasında məşhurlaşan BioNTech-in qurucularından olan Prof. Dr. Uğur Şahin xərçənglə mübarizədə bütün dünyaya ümid doğuran sözlər deyib. 

"Respublika" xəbər verir ki, həkim bu barədə Almaniyanın məşhur qəzetlərindən birinə müsahibəsi zamanı bildirib. 

Professor bəzi xərçəng növlərinə qarşı hazırladıqları dərmanların 2026-cı ildən etibarən qeydiyyata alınaraq bazara çıxarıla biləcəyini qeyd edib: “Kiçik hüceyrəli olmayan ağciyər xərçənginə qarşı BNT316 nəzarət nöqtəsi immunomodulyatorunun 3-cü mərhələsinin sınağı davam edir. Biz 2023 və 2024-cü illərdə CAR-T hüceyrə terapiyası və antikor-dərman konyuqatlarımız üçün məqbul sınaqlara başlamağı planlaşdırırıq. Fərdi peyvəndlər üçün ən azı iki qeydiyyat sınağına başlamaq istərdik. Burada mədəaltı vəzi xərçəngi olan xəstələrdən çox ümidverici məlumatlar dərc etdik. Kolorektal xərçəng (yoğun bağırsaq karsinoması) üçün 2-ci faza tədqiqatı aparılır ki, bu da nəticədən asılı olaraq təsdiqedici rol oynaya bilər. Bu tədqiqatlar uğurlu olarsa, onkologiyada təsdiqlər 2026-cı ildən əldə olunacaq”. 

Töhfə SƏMƏDOVA,
"Respublika".