Ali təhsil müəssisələrinin boş qalan (vakant) plan yerlərinin siyahısı həftənin sonunadək “Abituriyent” jurnalının 7-ci sayında dərc olunacaq.
Bu barədə "Respublika" Dövlət İmtahan Mərkəzindən məlumat verilib. Bildirilib ki, boş qalan yerlərə ixtisas seçimi sentyabrın 4-dən 9-dək internet vasitəsilə aparılacaq. Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı orta ixtisas təhsili müəssisələrinin (kolleclərin) ixtisaslarının da kodlarını göstərə bilərlər.
