Abşeron paytaxta çox yaxın, hətta bəzi məqamlarda ona bitişik spesifik rayonlardandır.Burada iri əkin plantasiyaları mövcud olmasa da, çoxlu fərdi bağ təsərrüfatları ,geniş badam ,zeytun bağları var.Azərbaycan Meliorasiya və Su Təsərrüfatı Açıq Səhmdar Cəmiyyəti bildirir ki,Abşeron Suvarma Sistemləri İdarəsi tərəfindən rayon ərazisində meliorativ tədbirlər davam edir. İdarə yaz-yay suvarma mövsümü çərçivəsində Abşeron magistral kanalında genişmiqyaslı lildən və tullantılardan təmizləmə işlərini artıq yekunlaşdırıb. Magistral kanal üzərində mövcud olan 40 ədəd nasos stansiyasının hər birinə baxış keçirilib və təmir işləri aparılıb.
Görülən təxirəsalınmaz işlər nəticəsində kanalda suyun normal axını təmin edilir.
Abşeron Suvarma Sistemləri İdarəsi 17 min hektardan artıq suvarılan torpaq sahəsinə xidmət edir. Həmin sahələrdə əkilən müxtəlif növ kənd təsərrüfatı bitkilərinin normalara uyğun olaraq suvarılması idarə tərəfindən mütəmadi olaraq təmin edilir.
Nəriman CAVADOV,
“Respublika”.