O dəhşətli, vahiməli gecədə,
Büründü Xocalı qanlı örpəyə,
Günahsız xalqımı qıran vəhşilər,
Fərq qoymadı qoca, cavan, körpəyə.
* * *
Kişi, qadın, uşaq, məhəl qoymadan,
Azğın düşmən öldürürdü hər kəsi,
Əzab ilə ölənlərin səsini,
Batıra bilmirdi tankların səsi.
* * *
Biri diri-diri yandırılırdı,
Digərinin dərisi soyulurdu,
Bəzisinin başını kəsirdilər,
Eləsi var gözləri oyulurdu.
* * *
Hissələrə bölürdülər insanı,
Kəsirdilər ayaqları, əlləri,
Adam necə törədə bilər axı?
Bütün bu əməlləri.
* * *
Yox, bu işi görənlər adam deyil,
Yalnız vəhşi heyvan törədər bunu,
Səbir edin, görün nə olacaqdır,
İnsan cildli bu heyvanların sonu.
Firad FUADOĞLU.
26.02.2012.