Məlum həqiqətdir ki, indi ümumbəşəri bəla sayılan narkomaniyanın insan həyatına vurduğu sağalmaz zərbədən xəbəri olanlar da onun qurbanına çevrilir. Məhz buna görə vəziyyət get-gedə ağırlaşır, narkotik vasitələrdən istifadə genofondumuza acı təsir göstərir. Son illər “ağ ölüm” ə can atan yeniyetmələrin sayının durmadan artması təəssüfedici faktdır. Onları bu zərərli vərdişdən qorumaq məqsədilə mübarizə aparmaq hamının, hər kəsin borcu olmalıdır. Bu günlər dağlar diyarı Lerik rayonunun Bülüdül kənd tam orta məktəbində Lerik rayon Prokurorluğunun, Lerik rayon Gənclər və İdman İdarəsinin, Lerik rayon Polis şöbəsinin, Lənkəran-Astara Regional Təhsil İdarəsinin Lerik rayonu üzrə Təhsil sektorunun birgə təşkilatçılığı ilə baş tutan tədbir narkomaniya və erkən nikahlara qarşı maarifləndirici məqsədi daşıyırdı.
Tədbirdə Lerik rayon Polis Şöbəsinin rəis müavini, polis polkovnik-leytenantı Ülfət Novruzov narkomaniyanın insanın sağlam həyatına gətirdiyi ağrılardan, bu bəşəri bəlaya qarşı mübarizənin əhəmiyyəti, mübarizə metodu kimi məktəblərdə belə maarifləndirmə işinin daim aparılması barədə danışıblar və eləcə də mübarizənin səmərəliyi üçün cəmiyyətin bütün təbəqələrin kütləvi səfərbər olmasının vacibliyi vurğulayıblar.
Zəfər ORUCOĞLU,
Azərbaycan Jurnalistlər Birliyinin üzvü.