Qırğızıstanla Çin arasında yerləşən Mərkəzi Asiyanın ən böyük zirvələrindən biri olan Pobeda dağına çıxan 4 alpinist yoxa çıxıb.
"Respublika" Qırğızıstan Fövqəladə Hallar Nazirliyinə istinadən xəbər verir ki, 3-ü rus, 1-i litvalı olmaqla 4 alpinistdən xəbər alına bilmədiyi üçün axtarış-xilasetmə işlərinin başlandığı bildirilib.
Açıqlamaya görə, alpinistlər sonuncu dəfə iyulun 19-da 6 min 900 metr hündürlükdən əlaqə saxlanılıb. Bildirilib ki, 24 iyulda turistlərə kömək üçün peyk telefonu ilə Litva vətəndaşından koordinatlar gəlib. İyulun 24-26-da alpinistlərin müqavilə bağladığı şirkət alınan koordinatlar əsasında helikopterlə axtarış-xilasetmə əməliyyatı həyata keçirsələr də, heç bir nəticə alınmadığı bildirilib.
Töhfə SƏMƏDOVA,
"Respublika".