Pandemiyanın 3 ili ərzində 165 milyon insan yoxsulluğa sürüklənib.

"Respublika" xəbər verir ki, Birləşmiş Millətlər Təşkilatının İnkişaf Proqramının (BMTİP) yeni hesabatına görə, son 3 il ərzində yoxsul ölkələrdə yoxsulluq dərəcəsi artıb və gündə 3,65 dollardan az pulla yaşayan şəxslərin sayı 2023-cü ildə 165 milyona çatıb.

Hesabatda bildirilib ki, bu hal aşağı və aşağı-orta gəlirli iqtisadiyyatlarda qeydə alınıb, ən yoxsul 20%-i isə pandemiyadan əvvəl aşağı gəlirlərdən ən çox əziyyət çəkən ölkələrdədir. Bu böhrana cavab olaraq, BMTİP adaptiv sosial müdafiəyə və borc ödənişlərini kritik sosial xərclərə yönəltmək üçün “Borc-Yoxsulluq Fasiləsi”nə çağırır.

BMT-nin hesabatında qeyd olunur ki, 2020-ci ildən yoxsulluq təkcə COVID pandemiyası ilə deyil, həm də yaşayış böhranı və Ukraynadakı müharibənin təsirləri ilə artıb.
Hesabatda qeyd edilib ki, 75 milyon insan ifrat yoxsulluğa düçar olub. Onlar hər gün 1,9 avrodan az pulla yaşamalı olurlar.

BMTİP eyni zamanda inkişaf etməkdə olan ölkələrin borc ödənişlərinin dayandırılmasını tələb edib.